A SD PONTE CARREIRA MERECEU MÁIS (2-0)
ALIÑACIÓN: Manolo, Meixde, Michel, Jose Lino, Gonzalo, Raul, Marco, Martín, David, Daniel e Chino.SUPLENTES: Lano, Pablito, David Otero, Zaca e Cristian.
Gran partido o que se celebrou en Melide entre a SD PONTE CARREIRA e o Cire, que soupo aproveitar mellor as ocasións das que despuxo e sen facer nada doutro mundo acadou o 2-0 co que se chegou ó remate.
Os pupilos de Kike demostraron ser un gran equipo, compacto, moi serio e disciplinado e sen ningunha dúbida darán moito que falar se continuan con este xogo e entrega.
Comezou o PONTE CARREIRA dominando claramente o encontro pero sería o cadro local ó que se adiantaría no min 15 cun tiro potente que lle cae a Jechu e ante o que Manolo non pode facer nada. A SD pronto se recupera do mazazo e Chino da o primeiro aviso. A medida que pasan os minutos comeza unha ofensiva dos visitantes e os siareiros azulóns que se desprazaron ata terras Melidenses "mascan" o gol do empate pero a falta de puntería era a nota predominante. David Gómez tivo tamén a sua oportunidade nun balón de ouro que lle puxo Daniel pero o seu remate de cabeza sae fora.
Na segunda metade, cando aínda non se cumprira o minuto 1, Jechu intérnase pola banda, desfaise de tres contraios e dalle en bandexa a Mark o que sería o 2-0.
Costa arriba se lle poñía o partido a SD xa que na seguinte xogada tiña que abandoar o terreo de xogo Manolo por lesión muscular. David Otero, que voltaba despois dun mes inactivo, era o que levaba o perigo pola banda dereita, con criterio, pero os seus centros non atopaban rematador. Pablito, Zaca e Dino non eran quen de enviar o esférico o fondo das mallas.
De vez en cando, o PONTE CARREIRA da señais de vida en zonas onde verdadeiramente fabrícase o gol, pero xa un crecido Melide, mostrábase moi ordenado e cada xogador sabía o que tiña que facer.
Con ese 2-0 remataría o encontro, con demasiado premio para un Cire que colle un pequeno colchón de seis puntos pero que seguramente serán recortados co bo xogo e magnífica impresión que está a amosar a SD, cando recupere a senda do gol.
2 comentarios
Mascotas -
Anónimo -